2A145C0C6CFD82B0C49A9EF81B6E3250

Eins og annað fólk í prófum mun ég smátt og smátt færa mig alfarið yfir á:

http://www.fanney.blog.is

Guð minn góður. Jeremías á jólaskónum. Alla malla kalla. Og allir hinir.

Titanic 2 kemur í sumar. Frábær mynd eflaust *hóst* þar sem Jack finnst frosinn í klaka og er færður uppá yfirborðið og þýddur með nýjustu tækni og vísindum *hóst*. Auðvitað fer hann svo að leita að Rose, sem þá er um hundrað ára gömul (án þess að ýkja) og kemst svo að því að hún sé dáin. Hvað gera bændur þá? Jú, þeir fara á Broadway á söngleikinn Titanic og sofa hjá einhverri túttu sem þeir finna úti á götu. Ef þetta er ekki mynd sem ég ætla að horfa á þá skal ég hundur heita. Þessi formúla getur ekki klikkað *hóst*!!

Sjá myndbrot hérna: http://fatpita.net/vid.php?id=titanic2.htm

Your Career Type: Social

You are helpful, friendly, and trustworthy. Your talents lie in teaching, nursing, giving information, and solving social problems. You would make an excellent: Counselor - Dental Hygienist - Librarian Nurse - Parole Officer - Personal Trainer Physical Therapist - Social Worker - Teacher The worst career options for your are realistic careers, like truck driver or farmer.

 Veldu mánuðinn sem þú fæddist

Janúar- Ég drap
Febrúar- Ég sló
Mars- Ég svaf hjá
Apríl- Ég horfði á
Maí- Ég fróaði mér með
Júní- Ég slefaði á
Julí-Ég hló að
Ágúst- Ég stakk
September- Ég skaut
Október- Ég naut ásta með
Nóvember- Ég handtók
Desember- Ég kúkaði á

Veldu núna afmælisdaginn þinn

1. Hóru
2. Kærasta/una þína
3. Konu með HIV
4. Kynæsandi Dverg
5. Jólasvein
6. Playboykanínu
7. Giftri móðir
8. Kennara
9. Mömmu þína
10. Páskahérann
11. Köttinn
12. Djöflinum
13. Asíksum skiptinema
14. Jónsa í svörtum fötum
15. Stein
16. DVD spilara
17. Klámstjörnu
18. Síma
19. Tölvu
20. Húsið þitt
21. Svín
22. Lampa
23. Kúk
24. Davíð Oddson
25. 50 cent
26. Kynskipting
27. Yddara
28. Skólaumsókn
29. Birgittu Haukdal
30. Tappatogara
31. Prentara

Veldu Þriðja stafinn í eftirnafninu þínu

A- Af því að ég elska súkkulaði
B- Af því að mér leiddist
C- Af því að buxurnar mínar voru of þröngar
D- Af því að ég þarf alltaf að prumpa
E- Af því að hjartað mitt er tveimur nr of lítið
F- Af því að ég fékk engar gjafir um jólin
G- Af því mér finnst egg góð
H- Af því að ég er á sýru
I- Af því ég misteig mig
J- Af því ég er með vörtu
K- Af því mér líkar Cheer
L- Af því að ég var skökk/skakkur
M- Af því ég var full/ur
N- Af því að mamma sagði mér að gera það
O- Af því ég er hýr
P- Af því ér er einmanna
Q- Af því mamma og pabbi eru alltaf að rífast
R- Af því að ég er gröð/graður
S- Af því mig langar að deyja
T- Af því ég hata skóla
U- Af því ég þarf að fróa mér
V- Af því að ég elska náttfataparty
W- Af því að það róar mig
X- Af því að ég elska marmelaði
Y- Af því að ég elska prump
Ö- Af því ég er að safna rassahárum

Ég skaut kynskipting af því að mamma sagði mér að gera það...

Höfuðborgin tók vel á móti kellingunni... búið að vera næææææs veður sem ég hef reyndar ekki nýtt sem skyldi. Hef þó farið í göngutúra og er á leiðinni í sund núna. Ætli áralöng hefði verði brotin á morgun og það snjói ekki?

Annars er ég busy as hell þessa dagana - við allt annað en skólann held ég. Sat minn fyrsta fund í gær sem ritari framkvæmdarstjórnar LÆF (www.youth.is) sem var bara gaman. Tók að mér það stóráhugaverða hlutverk að sitja í nefnd á vegum Menntamálaráðuneytisins um Evrópuverkefni sem heitir All equal, all different og er 1 1/2 árs átak til að berjast gegn fordómum. Verður eflaust mjög áhugavert og skemmtilegt. Á föstudaginn erum við Dagný foxxxy að fara til Njarðvíkur að leggja BA-rannsóknina okkar fyrir 10. bekkinn þar. Langt síðan ég kom til Njarðvíkur þannig að þetta verður gaman. Seinnipartinn á föstudaginn er ég svo að fara í rútu fullri af gelgjum norður á Akureyri þar sem ég verð forráðamaður systur minnar á blakmóti. Það verður örugglega mjög athyglisverð ferð. Ég er þó búin að bóka viðtal hjá Kónginum á KEA og ætla að reyna að kíkja á fleiri góða kosti þarna nyðra. Slæmt er þó að enginn verður bíllinn hjá mér þannig að ferðir mínar munu taka 4 sinnum lengri tíma en ella.

Á mánudaginn erum við Dagný foxxxy svo að leggja rannsóknina fyrir 10. bekkinn í Ólafsvík sem verður gaman. Þá verð ég líkast til svipuð og þegar við fórum norður.. "awwww, sjáðu hérna, hérna átti þessi heima"... aumingja Dagný mín.. Miðvikudagurinn verður þó aðeins rólegri, en þá erum við bókaðar í Breiðholtsskóla.

Svo má ekki gleyma að inná milli þessara ferða er ég að gera ritgerð, verkefni og læra undir 2 próf, læra undir táknmálstímana, stunda Röskvulifnað og UJ-lifnað og vera ég sjálf...

Svakalega hlakka ég til sumarsins!

Þvílíkir snilldarþættir sem Sjálfstætt fólk er og vá hvað Jón Ársæll er góður sjónvarpsmaður. Var að horfa á þáttinn áðan þar sem hann ræddi við Óskar Bergmann Albertsson sem er mjög lágvaxinn og þroskaheftur maður sem vinnur í Ásgarði. Þessi Óskar er algjört gull og átti hvert snilldarkommentið á fætur öðru. Best var samt þegar hann fór í Herra Hafnafjörð að versla sér jakkaföt, en hann gengur í slíkum alla daga og safnar bindum og skyrtum, þá kom afgreiðslumaðurinn með föt til hans sem hann og mátaði. Þá rataðist honum á munn: Það er alltaf svo gaman þegar það er fermingartíminn, þá fæ ég loksins föt í mínu sniði!

Ég brosti allan þáttinn og fékk flash back frá síðasta sumri þegar ég var á Sólheimum. Mikið óskaplega á ég eftir að sakna allra þar, þessir yndislegu vinir mínir þarna kunna sko betur að lifa en margur annar. Núna verður það sett á forgangslistann minn að kíkja í heimsókn í Paradís Íslands, Sólheima.

Kæru vinir nær og fjær..

Hvers vegna er ég svona andlaus þessa dagana? Ég er búin að lesa og lesa og lesa heimildir fyrir ritgerðina mína, en ég virðist ekki geta komið þessari nýfengnu visku niður á blaðið hjá mér. Samt er ég alveg með það á hreinu hvernig ég ætla að hafa ritgerðina, hvaða línu ég ætla að taka og hvaða spurningum ég ætla að svara... merkilegt nokk.

Annars kíkti ég út á tjúttið í gær. Mér var boðið í nýju íbúðina hjá Þórey túttu og þar sátum við í mjööööög góðu yfirlæti, sötruðum Breezer, G&T og hvítvín og jöpluðum á ostum, konfekti og nachos ídýfu.. jömmí! Brunuðum svo inní Grundarfjörð þar sem Sixties var að spila á Kristjáni IX. Anna Jobba er alltaf hress og frábær sem og öll Jobba fjölskyldan. Það leynir sér heldur ekki hversu vel fólki líður þarna því staðurinn var pakkaður! Frábært að hitta svona mikið að fólki sem ég hef ekki séð lengi. T.d. hitti ég þarna Rúnu fallegu Jobba, Tomma kallinn hennar, litlu frændur mína (sem eru víst ekkert svo litlir ennþá) og síðast en engan veginn síst: Sigurrósu "frænku". Já, Röskvusnótin fríða sem situr nú í Háskólaráði var mætt í pleisið, enda býr pabbi hennar í firðinum fríða. Við áttum ansi góð móment á dansgólfinu og vöktum vafalaust mikla athygli fyrir n.k. ljótudansatakta... Á leiðinni heim varð ég voða tilfinningarík, hlustaði á Jónsa minn syngja, helmingurinn af liðinu aftur í var sofandi en ég sat og skrifaði persónuleg sms til margra góðkunningja minna..

Komst víst ekkert á Jökulinn í dag, það var sól og næs hérna niðri en ekkert skyggni þarna uppi. Taka tvö á morgun, spáir samt snjókomu en ég vona að ég geti að minnsta kosti kíkt í kaffibolla uppá stórkostlega fjallið mitt, Snæfellsjökul.

Lag dagsins í dag: Insomnia með Electric President
Hlutur dagsins í dag: gömul svört og silfurlituð hárspöng sem mamma keypti í kringum 1990.

 Ég er komin heim í víkina góðu er Ólafur belgur nam forðum daga. Mamma var búin að elda þennan þvílíka góða kjúklingarétt þegar ég kom, með doritos, chili baunum og öllu tilheyrandi  Horfði svo á stelpumynd í gær, In her shoes minnir mig að hún heiti. Hún var alveg ágæt, náði að tengja mig smá við eina persónu í myndinni og það er alltaf hressandi 

En þar sem margir misstu af greininni minni í Lesbók Moggans síðasta laugardag ætla ég að birta hana hérna - fyrir ykkur sem viljið lesa þetta.

Um daginn sat ég á málþingi uppí HÍ þar sem umræðuefnið var menning heyrnarlausra. Slíkt málþing hefur aldrei áður verið haldið hérlendis og var því um stórviðburð að ræða. Enga fjölmiðla sá ég á svæðinu og finnst mér það til skammar hversu lítinn áhuga fjölmiðlar (og aðrir) sýna menningu heyrnarlausra og heyrnarlausum almennt. Mér finnst mikil fáviska vera meðal heyrandi fólks um landa sína sem ekki heyra. Margir telja að enga menningu sé að finna í samfélagi heyrnarlausra og það hljóti bara að vera leiðinlegt að heyra ekki. En raunin er önnur. Meðal heyrnarlausra blómstrar menning líkt og í öðrum samfélgöum og flestir heyrnarlausir sem ég þekki vilja ekki fá heyrn, enda þekkja þeir mun betur inná sitt eigið samfélag heldur en heyrandi samfélag.

Það hlýtur þó að vera erfitt að búa í litlu samfélagi, eins og Íslandi, þar sem tungumál manns er ekki viðurkennt. Ef við viðurkennum ekki tungumálið, getum við þá viðurkennt einstaklinginn sem talar það tungumál? Á meðan sænska þjóðin heldur uppá 25 ára afmæli sænska táknmálsins sem móðurmáls í Svíþjóð hefur íslenska þjóðin ekki enn viðurkennt íslenska táknmálið sem móðurmál hérlendis. Heyrnarlausir einstaklingar eru stoltir af uppruna sínum og móðurmáli, táknmálinu, líkt og við heyrandi og íslenskutalandi erum stolt af okkar uppruna og íslenskunni okkar. Þar sem aðeins lítill hluti Íslendinga tala táknmál geta samskipti milli þessara tveggja hópa oft verið erfið og því kannski auðveldast að sleppa þeim bara.

Heyrnarlausir hafa í aldanna rás búið við kúgun hins heyrandi heims og tel ég lítið lát vera þar á. Vissulega hefur eitthvað breyst til batnaðar en alls ekki nóg. Í könnun sem unnin var fyrir Félagsmálaráðuneytið árið 2004 kom fram að heyrnarlausir búa enn í dag við félagslega einangrun – líka hérna á Íslandi. Samskipti heyrnarlausa við heyrandi eru skammarlega lítil og hverju er um að kenna? Eins og áður sagði eru fáir Íslendingar sem tala táknmál og því lítið um samskipti utan samfélags heyrnarlausra. Ég tel að í öllum grunnskólum landsins ætti að vera boðið uppá táknmál sem valnámskeið, ef ekki bara skyldunámskeið. Með því gætu allir borgarar þessa lands fengið grunn í íslensku táknmáli og lært á tjá sig við landa sína sem ekki tala íslensku. Táknmál er kennt í örfáum framhaldsskólum en sú kennsla sem þar fer fram er skref í rétta átt. En betur má ef duga skal.

Frumvarp til laga um táknmálið sem fyrsta mál heyrnarlausra, heyrnarskertra og daufblindra hefur enn ekki fengið þá umræðu sem það á skilið inni á Alþingi þrátt fyrir að hafa fyrst verið lagt fram Alþingisárið 2003-2004. Lítið sem ekkert hefur komið útúr þeim nefndum sem áttu að skoða málefni heyrnarlausra. Heyrnarlausir fá einungis 8 mínútna fréttatíma dag hvern. Hversu lengi á þetta að ganga svona? Mér finnst mál til komið að við förum að sparka í rassinn á okkur og gera eitthvað í málunum. Ég skora á heyrandi Íslendinga að líta í eigin barm og ímynda sér þann veruleika ef tungumál ykkar væri ekki viðurkennt af meirihluta þjóðarinnar. Viðurkennum alla Íslendinga!

Í dag er ég búin að:

• Vakna kl. 06:12 við sms frá Guðnýju sem er á leið til Ítalíu: Ég sá bróðir þinn á flugvellinum.
  
• Sofa út til kl. 10:00.
• Lesa blöðin og fá mér kaffi og skyr.
  
• Fara í sund í rúma 2 klukkutíma þar sem ég hitti Heiðrúnu frænku og men hvað við gátum spjallað og slúðrað... ég fékk meira að segja smá lit skal ég segja ykkur og verð því með rauðar eplakinnar í kvöld.
• Fá mér pulsu í Laugardalnum og Fresca.
  
• Fara á skrifstofuna til Ellu frænku og fletta yfir Séð og heyrt, en þar hitti ég einmitt Unni kærustuna hans Sindra frænda. Hún var að opna sýningu á Sólon og hvet ég ykkur til þess að kíkja á hana næsa mánuðinn. Hún er mjög hæfileikarík og sæt
• Fara og ná í 1 líter af Vodka til Betu.
• Fara í Bónus úti á Nesi þar sem var röð á ALLA kassana lengst inní búð, ca klukkutímabið í þjónustu.. en það var allt í lagi, ég sá Björn Jörund, blikkaði hann og labbaði út.
• Fara í Hagkaup úti á Nesi og kaupa plastskotglös og gjöf fyrir Tinnu.
• Fara í 10-11 á Stúdentagörðunum því ég gleymdi að kaupa Jelly efnið í Jelly skotin sem ég ætlaði að gera.
• Koma við hjá Tinnu minni og gefa henni gjöfina og páskaegg. Hún var að læra.
• Afhára mig fyrir tjúttið í kvöld.
• Bera á mig endalaust mikið af bodylotion.
• Búa til 50 Jellyskot fyrir kvöldið.
• Setja myndavélina og símann í hleðslu fyrir kvöldið.
• Setja í þvottavél og taka úr henni.
• Svara um það bil 40 símtölum og nokkrum sms-um.
• Hringja um það bil 20 símtöl og senda nokkur sms.
  
• Skrifa um það bil 13 tölvupósta.
• Skoða flest blogg félaga minna auk annarra daglegra rúnta (pólitík.is, Röskvan, Mbl, snb.is....)
• Ákveða í hvaða fötum ég ætla að fara í kvöld.
• Klæða mig í dressið og laga hárið.

Já, svona hljómar síðasti dagur minn sem formaður Mentors... ætli álagið minnki eitthvað við það að ég læt titilinn frá mér?

Sé ykkur í kvöld á "lífinu"... fer vestur á morgun og kem aftur suður á þriðjudaginn, líkast til...

Ekki dugar mér að vera eingöngu á netsíðum heldur hef ég hafið útrás mína í fjölmiðla landsins. Já, túttan var með ansi fínan pistil í Lesbók Moggans núna á laugardaginn og hvet ég lesendur mína til að kíkja á hann. Frekar sexý pistill að mínu mati.

Nú svo er ég farin að halda hin geysivinsælu daðursnámskeið aftur sem slógu í gegn í félagsráðgjafarferðinni á síðustu önn. Var með eitt slíkt á árshátíð Röskvu núna um helgina við mikla eftirtekt. Ég er ekki frá því að ég eigi smá hlut í nokkrum hösslum þarna þetta kvöld ha! Kellingin alveg að meika það þessa dagana já.. En árshátíðin var annars frábær, maturinn sjúklega góður enda var það enginn annar en Daddi Dínó sem eldaði Ég held ég geymi nú sögurnar fyrir persónuleg samtöl.. en ég kíkti líka á Rosenberg þar sem nýja uppáhalds hljómsveitin mín var að spila (www.myspace.com/hraunhraun) og ég fékk m.a.s. óskalag (Ghostbusters í n.k. reggí útgáfu.. mjööööög töff). Auðvitað kíkti ég á Kofann að tékka á börnunum þar en endaði á Hressó.. mjög spooky.

Mætti svo fersk í dag á skorarfund með kennurum kl. 10:00 þar sem það var hlegið að mér um leið og ég gekk inní salinn. Fundurinn byrjaði víst kl. 9:00 og kláraðist kl. 10:10... mjög stuttur fundur hjá mér sem sagt..

Nú er loksins komið að því. Eftir nokkura mánaða syrpu þar sem blöðin vilja æst hafa myndir af mér er nú loksins komið að því. Ég er orðin fræg!

(http://www.politik.is)

 Ég átti svo stórkostlegan dag í gær að það er ekki einu sinni fyndið! Var vöknuð fyrir kl. 7 í gærmorgun, enda átti kellingin flug til Akureyrar *awww* kl. 7:45. Tilgangur ferðarinnar: leggja BA-rannsóknina okkar Dagnýjar foxxxy fyrir 10. bekk í Glerárskóla. Ókyrrð í lofti gerir lítið annað en vekja mann smá í morgunsárið og þegar við lentum á Eyrinn fallegu var þar sól og fallegt veður - auðvitað! Leigðum okkur bílaleigubíl á 1540 kr daginn og skunduðum í Bakaríið við brúna í morgunmat *awww*. Eftir það rúntuðum við smá um bæinn og ég rifjaði upp ýmsar skemmtilegar og óskemmtilegar sögur sem tengdust staðnum. Enduðum á því að stoppa á Heimavist MA (og væntanlega VMA líka en það er annað mál) *awwww* og þar hitti ég konurnar í þvottahúsinu og mötuneytinu sem og Meistara Simma húsbónda *awwww*. Hann sýndi mér inní nýju hergbergin og það var akkúrat eitt laust - svona ef ég skyldi verða veðurteppt Við Simmalingur rifjuðum upp góðar stundir síðan ég var á Vistinni sem og nokkrar í móðu úr útskriftarferðinni *awww* og ekki má gleyma Trompetlortinum. Simmi afhenti mér svo 3 orðabækur sem ég hafði gleymt þarna þegar ég flutti af vistinni.. fyrir 7 árum!!! Góði kallinn að geyma þær fyrir stelpuna sína. Auðvitað gat ég ekki setið á mér að taka einn hring í skólanum þó svo ég þekkti afar fáa. Endaði þó inní stofu hjá Einar landó þar sem hann kynnti mig sem uppáhaldsnemandann sinn *awwww* og haldiði ekki að kallinn hafi verið með mynd af Ólafsvík varpaða uppá tjald þarna - þvílík tilviljun Klessti svo nefinu á rúðuna hjá Völlu og ég held að krakkarnir hafi fengið nýja sýn á hana við það... hehehe. Skundaði um skólann og vinkaði inní stofur eins og ég væri Vigdís Finnboga. Endaði á því að fara í Suður Sal í Gamla skóla þar sem Þorlákur bauð mér inn og spurði hvort ég hefði örugglega ekki lært einhverja félagsfræði í Háskólanum *awwww*. Þvínæst fórum við uppí Glerárskóla að leggja könnunina fyrir í fyrsta skipti og gekk það prýðisvel, svakalega gaman og spennandi
Þegar ég er komið við sögu var komið hádegi og ekkert annað í stöðunni en að bruna á Greifann í djúsí pepperoni pizzu *awww* enda pepperoni-ið þar það besta! Eftir djúsí matinn þá var ekki annað hægt en að koma við á Hótel KEA þar sem unaðurinn hann Svenni minn ræður ríkjum *awwww* Mikið var nú gaman að hitta þennan fyrrum sambýling minn. Ég fattaði það líka að við Svenni höfum þekkst í 9 ár, sem er nokkuð gott Valla menntaskólakennari kom svo og varði eyðunni sinni með okkur í nostalgíuumræðum *awwww* og aumingja Dagný þurfti að upplifa þetta allt saman
Eftir að hafa kjaftað í ca 2 klukkutíma við kónginn var tekið rölt um "göngugötuna" sem er bara engin göngugata lengur heldur opin fyrir umferð! Hneisa. Lítið var um stórkostleg föt í búðum Akureyrar þannig við tókum rúnt og ég jesúsaði mig yfir allri byggðinni sem er farin að koma ískyggilega nálægt Kjarnaskógi. Það var ekki annað hægt en að koma við hjá Möggu vinkonu minni sem ég kynntist þegar ég bjó úti á Spáni, en hún var að eignast sitt annað barn á dögunum *awwww* og ég, Fanney Dóra, fékk sko að halda á gripnum! Var alveg komin á það að mig langaði í eitt en þá mundi ég eftir öllum fæðingarsögunum sem mínar elskulegu vinkonur og frænkur hafa látið mér í té Við sátum í góðu yfirlæti hjá Möggu þar til við áttum flug um sexleytið. Ennþá meiri ókyrrð í loftinu á leiðinni heim, en það var sko bara allt í lagi því ég var með bros allan hringinn - og rúmlega það! Jiii, hvað ég elska Akureyri!

Í gærkvöldi var ég í svo miklum kúrí-horfa-á-sjónvarp-fíling að ég skokkaði til Þóru og við flatmöguðum yfir Law and order: SVU sem standa alltaf fyrir sínu. Þóra mín færði mér einnig gjöf (hint: ég ELSKA að fá gjafir) en það var enginn annar en Mr. Perfect. Þegar ég ýti á bringuna hans Samuels Perfect þá segir hann eftirfarandi:
    - The ball game really isn´t that important, I´d rather spend time with you.
    - Let´s just cuddle tonight!
    - Actually, I´m not sure wich way to go. I´ll turn in here and ask directions.
    - Here, you take the remote, as long as I´m with you I don´t care what we watch!
    - You know honey, why don´t you just relax and let me make dinner tonight?
    - Ohhhh, can´t your mother stay another week?
Já, að hlaut að koma að því að ég næði mér í góðan kall

P.s. Gettu betur í kvöld.. spurning um að hafa hóp-horf þar sem salurinn er fullur??

Ég er komin með kenningu. Er það sambærilegt að velja sér gardínur og velja sér karlmann? Segir gardínuval eitthvað til um hvernig karlmann viðkomandi (oftast kona) vill? Lítum á þetta nánar:

• Kona velur sér blúndugardínur: hún er eflaust að leita að mjúkum manni, tilfinningaríkum og jafnvel pínu vænmum. Það fer þó kannski eftir lit á blúndu, hvít blúnda er mjög hefðbundið, svört blúnda frekar óhefðbundið, bleik blúnda bara töff.
• Kona velur sér myrkragardínur: hún er svolítið fyrir þungar týpur, þá er ég ekki að tala um heavy weight gaura heldur svona þunga í skapinu, jafnvel þunglynda. Kannski er konan líka spéhrædd og vill hafa alveg dimmt í herberginu þegar hún afklæðist til svefns - en það er önnur kennng.
• Kona velur sér rimlagardínur: klárlega er konan að leita að mjög hefðbundnum karlmanni, ekkert vesen og engar dúllur, bara klippt og skorið. Svo má náttúrulega taka inní þetta að trérimlar eru meira svona posh dæmi, kannski fyrir viðskiptafræðinga, en hvítir plastrimlar meira svona fyrir listamenn.
• Kona velur sér rúllugardínur: hún hefur voðalega lítinn tíma fyrir karlmann, en það væri gott að hafa hann með inní myndinni. Hann má þó ekki þvælast fyrir og verður að vera mjög meðfærilegur. Litur skiptir ekki máli, enda er þetta ósýnilegt þegar maður er ekki að nota það.
• Kona velur sér engar gardínur: lesbísk.

• Þá má líka taka inní þetta að sídd á gardínum getur skipt máli. Ef kona er ekki mikið fyrir að hafa síddina á hreinu, þá er henni nokk sama um útlit karlmannsins sem hún nær sér í, hann dugar. Sé kona með gardínur sem eru of síðar velur hún karlmanninn bara eftir útlitinu og það er vesen, slíkt er alltaf fyrir manni. Einnig má taka inní þetta þegar konur vilja hafa gardínurnar bundnar til hliðanna eða settar saman með klemmum. Slíkar konur aðhyllast BDSM eða kvalarlosta.

Hvað segiði? Er ég á réttir leið eða alveg að mygla á Bókhlöðunni?